طالبہ کی پراسرار طاقتوں سے الجھنے کی کہانی بھاگئی ،پاکستانی ہارر فلم ‘ان فلیمز’ آسکر کے لیے نامزد

کراچی :طالبہ کی پراسرار طاقتوں سے الجھنے کی کہانی بھاگئی ،پاکستانی ہارر فلم ‘ان فلیمز’ آسکر کے لیے نامزد ہوگئی ہے۔

پاکستانی اکیڈمی سلیکشن کمیٹی کی جانب سے فلم ‘اِن فلیمز’ کو پاکستان سے آسکر کے لیے نامزد کردیا گیا ہے۔اس فلم کے ڈائریکٹر ضرار خان اور پروڈیوسر انعم عباس ہیں جنہوں نے یہ ایک ہارر فلم بنائی ہے۔

اس فلم کی کہانی ایک ایسی طالبہ کے گرد گھومتی ہے جو اپنے خاندان کو بچانے کے لیے پُراسرار طاقتوں سے الجھ جاتی ہے۔

اس فلم کی کاسٹ میں اداکارہ رمیشہ نوال، بختاور مظہر، عمیر جاوید اور سینئر اداکار عدنان شاہ ٹیپو شامل ہیں۔