جنوبی افریقا کی پاکستان کے خلاف ون ڈے سیریز کے لیے ٹیم کا انتخاب، 18 سالہ کفوینا مافاکا شامل

جوہانسبرگ: جنوبی افریقا نے پاکستان کے خلاف تین میچوں پر مشتمل ون ڈے سیریز کے لیے 15 رکنی اسکواڈ کا اعلان کر دیا۔ ٹیم کی قیادت ٹیمبا باوما کریں گے، اور میزبان ٹیم نے اس سیریز کے لیے اپنا سب سے مضبوط اسکواڈ منتخب کیا ہے۔

اسکواڈ میں کاگیسو ربادا، ہینرک کلاسن، ڈیوڈ ملر، کیشو مہاراج اور تبریز شمسی کی واپسی ہوئی ہے۔ اس کے علاوہ، 18 سالہ فاسٹ باؤلر کفوینا مافاکا کو پہلی بار اسکواڈ میں شامل کیا گیا ہے، جو سیریز میں اپنا ون ڈے ڈیبیو کریں گے۔

ٹیمبا باوما (کپتان)، اوٹنیل بارٹمین، ٹونی ڈی زورزی، مارکو جانسن، ہینرک کلاسن (وکٹ کیپر)، کیشو مہاراج، کوینا مافاکا، ایڈن مارکرم، ڈیوڈ ملر، اینڈائل فیلکوایو، کاگیسو ربادا، ٹریسٹان اسٹبس، ریان رکیلٹن، تبریز شمسی، اور ریسی وین دیر ڈیسن۔