شادمان جلاؤ گھیراؤ کیس: پی ٹی آئی رہنماؤں پر فرد جرم عائد

لاہور:انسداد دہشت گردی عدالت لاہور نے تھانہ شادمان جلاؤ گھیراؤ کیس میں پی ٹی آئی رہنماؤں شاہ محمود قریشی، ڈاکٹر یاسمین راشد اور میاں محمود الرشید پر فرد جرم عائد کر دی۔ سماعت کوٹ لکھپت جیل میں ہوئی، جہاں عدالت نے فرد جرم پڑھ کر ملزمان کو سنایا۔

عدالت نے آئندہ سماعت 19 دسمبر تک ملتوی کر دی اور گواہوں کو طلب کرنے کا حکم دیا۔ اس کے ساتھ ہی عسکری ٹاور جلاؤ گھیراؤ سمیت دیگر مقدمات کی کارروائی 23 دسمبر تک ملتوی کر دی گئی۔