پاکستان سٹاک مارکیٹ میں تیزی، ہنڈرڈ انڈیکس 1 لاکھ 10 ہزار پوائنٹس تک پہنچ گیا

کراچی : پاکستان سٹاک ایکسچینج  میں شدید مندی کے ہونے کے بعد ایک بار پھر تیزی دیکھنے میں آئی ہے اور ہنڈرڈ انڈیکس نے 1 لاکھ 10 ہزار پوائنٹس کی سطح چھو لی ہے۔ کاروباری ہفتے کے تیسرے روز مارکیٹ کا آغاز تیز رفتاری سے ہوا، اور ٹریڈنگ کے دوران ہنڈرڈ انڈیکس میں 2000 سے زائد پوائنٹس کا اضافہ ہوا، جس کے نتیجے میں انڈیکس 1 لاکھ 10 ہزار 930 پوائنٹس تک پہنچ گیا۔

یاد رہے کہ کاروباری ہفتے کے دوسرے روز مارکیٹ کا آغاز اچھا تھا، مگر بعد میں اچانک شدید مندی نے سٹاک مارکیٹ کو متاثر کیا اور ہنڈرڈ انڈیکس 1073 پوائنٹس کی کمی کے ساتھ 1 لاکھ 8 ہزار 896 پوائنٹس پر جا کر بند ہوا تھا۔