اکشے کمار کی آنکھ پر چوٹ، چوٹ کے باوجود فلم کی شوٹنگ جاری

ممبئی: بالی ووڈ کے معروف اداکار اکشے کمار فلم ‘ہاؤس فل 5’ کے سیٹ پر ایک حادثے میں زخمی ہو گئے ہیں۔ ذرائع کے مطابق، اکشے ایک اسٹنٹ کی مشق کر رہے تھے کہ اچانک ایک چیز اڑ کر ان کی آنکھ میں جا لگی، جس سے وہ زخمی ہو گئے۔

سیٹ پر فوراً ایک ماہر امراض چشم کو بلایا گیا، جنہوں نے اکشے کی آنکھ پر پٹی باندھ کر انہیں آرام کرنے کا مشورہ دیا۔

رپورٹ میں یہ بھی کہا گیا ہے کہ اکشے کی چوٹ کے باوجود فلم کی شوٹنگ جاری رہی اور دیگر اداکاروں نے اپنے مناظر کی عکسبندی کی۔ اکشے کمار جلد ہی سیٹ پر واپس آنے کے لیے پرعزم ہیں تاکہ فلم کی شوٹنگ میں مزید تاخیر نہ ہو، کیونکہ یہ فلم اس وقت اپنے آخری مراحل میں ہے۔