ملک میں کورونا کے 708 نئے کیسز رپورٹ، آج سے بوسٹر ڈوز لگانے کا آغاز
اسلام آباد: پاکستان میں کورونا سے مزید 2مریض انتقال کر گئے ، 708 نئے کیسز رپورٹ ہوئے جبکہ حکومت نے آج سے شہریوں کیلئے کورونا کیخلاف بوسٹر ڈوز لگانے کے عمل کا بھی آغاز کر دیا ہے۔
نیشنل کمانڈ اینڈ آپریشن سنٹر (این سی اوسی) کے مطابق 24 گھنٹے کے دوران مزید 45ہزار643کورونا ٹیسٹ کیے گئے اور ایک روز میں 708نئے کیسز رپورٹ ہوئے۔ کورونا کے مثبت کیسز کی شرح1.55فیصد تک پہنچ گئی۔ اس وقت 642مریضوں کی حالت تشویشناک ہے جو کہ آئی سی یو میں زیر علاج ہیں۔ ملک بھر میں کورونا وائرس سے ہونیوالی اموات کی مجموعی تعداد 28ہزار943 تک جا پہنچی ہے۔
Statistics 3 Jan 22:
Total Tests in Last 24 Hours: 45,643
Positive Cases: 708
Positivity %: 1.55%
Deaths :2
Patients on Critical Care: 642— NCOC (@OfficialNcoc) January 3, 2022
دوسری جانب این سی او سی نے آج سے ملک بھر میں عالمگیر موذی وباءکورونا وائرس کے خلاف بوسٹر ڈوز لگانے کا بھی آغاز کر دیا ہے۔ این سی او سی کے مطابق بوسٹر ڈوز کورونا وائرس ویکسین کی آخری خوراک سے 6 ماہ کے وقفے کے بعد لگائی جائے گی اور 30 سال سے زائد عمر کے افراد بوسٹر ڈوز لگوا سکیں گے۔
این سی او سی نے شہریوں سے اپیل کی ہے کہ کورونا وائرس کے نئے ویرئنٹ اومی کرون کے بڑھتے ہوئے کیسز کے باعث ایس او پیز پر عملدرآمد کو یقینی بنائیں اور ماسک پہننے کیساتھ ساتھ ویکسی نیشن اور بوسٹر کے عمل کو بھی مکمل کریں۔
واضح رہے کہ اس سے قبل این سی او سی کے سربراہ اسد عمر نے گزشتہ روز پاکستان میں کورونا وبا کی نئی لہر آنے کا خدشہ ظاہر کر تے ہوئے خبردار کیا تھا۔ْانہوں نے کہا کہ کورونا وبا کی ایک اور نئی لہر کے آثار نمایاں ہیں جس کی توقع پچھلے چند ہفتوں سے کی جارہی تھی۔انہوں نے شہریوں کو ماسک کے استعمال کی تاکید کرتے ہوئے کہا کہ یاد رکھیں، ماسک کا استعمال کورونا کیخلاف سب سے بہترین تحفظ ہے۔
خیال رہے کہ گزشتہ دنوں میں ملک میں کورونا کے مثبت کیسز کی شرح میں بھی ایک بار پھر اضافہ دیکھنے میں آرہا ہے جو آج 1.55 تک پہنچ چکی ہے ۔
تبصرے بند ہیں.