ایلون مسک نے ٹوئٹر خرید لیا، اعلیٰ عہدیدار برطرف

نیویارک: ایلون مسک نے سماجی رابطوں کی ویب سائٹ ٹوئٹر کا کنٹرول سنبھالنے کے بعد چیف ایگزیکٹو پراگ اگروال سمیت تین اعلیٰ عہدیداروں کو برطرف کر دیا ہے۔ 
امریکی میڈیا کے مطابق دنیا کے امیرترین شخص ایلون مسک نے ٹوئٹر کے دفتر میں منفرد انداز میں اینٹری دی اور سنک اٹھائے ٹوئٹر کے دفتر پہنچے جبکہ ان لمحات کی ویڈیوز بھی سوشل میڈیا پر وائرل ہوئیں۔ 
ٹوئٹر کا کنٹرول سنبھالنے کے بعد ایلون مسک نے ٹوئٹر کے چیف ایگزیکٹو آفیسر پراگ اگرووال، چیف فنانشل آفیسر اور لیگل پالیسی کے ہیڈ کو برطرف کر دیا ہے۔ 

Entering Twitter HQ – let that sink in! pic.twitter.com/D68z4K2wq7

— Elon Musk (@elonmusk) October 26, 2022

واضح رہے کہ ٹوئٹر کی فروخت کے معاہدے سے پیچھے ہٹنے پر پراگ اگروال نے ٹیسلا کے مالک ایلون مسک کے خلاف مقدمہ دائر کیا تھا جس پر عدالت نے معاہدے پر باضابطہ عملدرآمد کیلئے ایلون مسک کو 28 اکتوبر تک کی مہلت دی تھی۔
ایلون مسک نے اپنی ٹوئٹ میں ٹوئٹر خریدنے کی اطلاع دیتے ہوئے کہا کہ یہ انسانی تہذیب کے مستقبل کیلئے انتہائی اہم ہے کہ ایک مشترکہ ڈیجیٹل پلیٹ فارم ہو جہاں صحت مندانہ انداز میں مختلف عقائد پر بات چیت کر سکیں۔