پنجاب میں اقتدار کا خواب دیکھنے والی اپوزیشن کے پاس نمبرز ہی پورے نہیں ہیں: وزیراعلیٰ پنجاب

9

لاہور: وزیر اعلیٰ پنجاب چوہدری پرویز الٰہی نے کہا ہے کہ پنجاب میں اپوزیشن اقتدار کے خواب دیکھ رہی ہے حالانکہ خوابوں میں گم اس اپوزیشن کے پاس نمبرز ہی پورے نہیں ہیں۔
تفصیلات کے مطابق چوہدری پرویز الٰہی کی زیر صدارت مشاورتی اجلاس ہوا جس میں سپیکر پنجاب اسمبلی، صوبائی وزیر محمد بشارت راجہ، میاں محمودالرشید شریک ہوئے۔
ذرائع کا کہنا ہے کہ اجلاس میں باہمی دلچسپی کے امور اور سیاسی صورتحال پر تبادلہ خیال کیا گیا جبکہ پنجاب اسمبلی میں نمبر گیم سے متعلق بھی گفتگو کی گئی۔
وزیر اعلیٰ نے کہا کہ پنجاب میں (ن) لیگ کو پہلے بھی مار پڑی، آئندہ بھی چھپنے کی جگہ نہیں ملے گی، پروپیگنڈا کرنے والی فیکٹری (ن) لیگ کے گھر لگی ہوئی ہے، پروپیگنڈا کرنے والے جان لیں ہم ایک ہیں اور ایک رہیں گے۔
چوہدری پرویز الٰہی کا کہنا تھا کہ کوئی کسی خوش فہمی میں نہ رہے، عمران خان کے ساتھ ہیں، وفاقی حکومت کی بد ترین کارکردگی پر پورا ملک سراپا احتجاج ہے، وفاقی حکومت کی نااہلی اور نالائقی کی سزا 22 کروڑ عوام بھگت رہے ہیں۔

تبصرے بند ہیں.