ملک میں کورونا کے وارتھم نہ سکے، مزید 27 اموات

اسلام آباد: پاکستان میں کورونا  سے اموات کا سلسلہ تھم نہ سکا،آج مزید 27  مریض انتقال کر گئے۔

نیشنل کمانڈ اینڈ آپریشن سنٹر (این سی او سی) کے مطابق گزشتہ 24 گھنٹے کے دوران ملک بھر میں مزید 27 اموات کے بعد کورونا سے  جاں بحق ہونے والے افراد   کی مجموعی تعداد 29 ہزار 219 ہوگئی۔

گزشتہ روز 70ہزار 389کورونا ٹیسٹ کیے گئے   جن میں سے 7ہزار 963  افراد میں وائرس کی تصدیق  ہوئی، ایک دن میں کورونا کے کیس مثبت آنے کی شرح 11.31 فیصد رہی،کورونا سے متاثرہ مریضوں کی تعداد 14 لاکھ 10 ہزار 33 ہوگئی۔

Statistics 29 Jan 22:
Total Tests in Last 24 Hours: 70,389
Positive Cases: 7963
Positivity %: 11.31%
Deaths :27
Patients on Critical Care: 1375

— NCOC (@OfficialNcoc) January 29, 2022

نیشنل کمانڈ اینڈ آپریشن سنٹر  کی جانب سے جاری اعداد و شمار کے مطابق کورونا میں مبتلا ایک ہزار 375 مریضوں کی حالت تشویشناک ہے جو انتہائی نگہداشت میں زیرعلاج  ہیں۔