کیا کورونا ہمیشہ رہے گا ؟عالمی ادارہ صحت نے بڑی خبر دیدی 

عالمی ادارہ صحت نے اہم اعلان کرتے ہوئے کہا کہ کورونا وائرس فلو میں تبدیل ہو کر ہمیشہ رہے گا ،ایسے ممالک میں یہ تیزی سے پھیلے گا جہاں لوگ کورونا ویکسین لگانے کی پابندی نہیں کر رہے ۔

ورلڈ ہیلتھ آرگنائزیشن کے ایگزیکٹو ڈائریکٹر ڈاکٹر مائیک ریان کا  پریس بریفنگ کے دوران کہنا تھا کہ کورونا  اب ہمیشہ رہنے والاہے کیوں کہ کورونا ویکسین نہ لگانے والے ممالک میں وائرس پھیل رہا ہے ۔

انہوں نے خدشہ ظاہر کیا کہ یہی وجہ ہے کہ وائرس کے ختم ہونے کی امید کم ہوتی جا رہی ہے ،عالمی ادارہ صحت کا کہنا ہے کہ کورونا نہ ختم ہو ا تو اس سے دوسرا وائرس سامنے آ جائے گا جو انتہائی خطر ناک ہو گا ۔

 اگر دنیا کورونا کو روکنے کے لیے پہلے اقدامات کرتی تو آج صورتحال بہت بہتر ہوتی ۔