پیپلز پارٹی کا ملک بھر میں مظاہروں کا اعلان

78

اسلام آباد: پیپلز پارٹی نے پیٹرول کی بڑھتی قیمتوں اور مہنگائی کے خلاف احتجاجی مظاہروں کا اعلان کر دیا۔

پیپلز پارٹی کی جانب سے جاری کردہ اعلامیہ کے مطابق 10 دسمبر کو ہر گاؤں اور شہر میں پیٹرول کی بڑھتی قیمتوں کے خلاف احتجاج کیا جائے گا اور پیپلز پارٹی کے احتجاج اور مظاہروں کے دوران سڑکیں بند کی جائیں گی۔

پیپلز پارٹی کی جانب سے 17 دسمبر کو گیس کی قلت پر ضلعی ہیڈکوارٹرز میں مظاہرے ہوں گے اور 27 دسمبر کو گڑھی خدا بخش کے جلسے میں اگلا احتجاجی پروگرام دیا جائے گا۔ راجہ پرویز اشرف نے مہنگائی کے حوالے سے بات کرتے ہوئے کہا کہ پچھلے 21 ماہ کے دوران مہنگائی تواتر سے بڑھتی رہی ہے اب لوگ پاکستان تحریک انصاف (پی ٹی آئی) اور مسلم لیگ ن چھوڑ کر پیپلز پارٹی میں ہی آئیں گے۔

انہوں نے کہا کہ حکومت وقت مکمل طور ناکام ہے اور کسی معاملے پر ان کا کنٹرول نہیں ہے اور مسلم لیگ ن نے دہائیوں ملک پر حکومت کی لیکن عوام کے لیے کچھ بھی نہیں کیا۔

راجہ پرویز اشرف نے کہا کہ یہ کہتے ہیں پیپلز پارٹی کہاں سے نکل آئی ہے لیکن پیپلز پارٹی اب ملک کے کونے کونے سے نکلے گی۔

تبصرے بند ہیں.