سری لنکا کا جنوبی افریقا کو فتح کے لیے 143 رنز کا ہدف
شارجہ : آئی سی سی ٹی ٹوئنٹی ورلڈکپ کے گروپ ون میں شامل سری لنکا اور جنوبی افریقا کی ٹیموں کے درمیان میچ جاری ہے۔ سری لنکا نے جنوبی افریقا کو فتح کے لیے 143 رنز کا ہدف دیا ہے۔
شارجہ میں کھیلے جا رہے میچ میں جنوبی افریقا کے کپتان ٹمبا باووما نے ٹاس جیت کر پہلے فیلڈنگ کا فیصلہ کیا۔
سری لنکا نے پہلے کھیلتے ہوئے مقررہ اوورز میں 10 وکٹوں پر 142 رنز بنائے ۔ سری لنکن اوپنر پاتھم نسانکا نے 72 رنز کی اننگز کھیلی۔ جنوبی افریقا کی جانب سے تبریز شمسی اور ڈوائن پریٹوریس نے 3، 3 کھلاڑیوں کو آؤٹ کیا۔
بلیک لائیو میٹرز کے معاملے پر گھٹنے نہ ٹیکنے کی وجہ سے ٹیم سے باہر ہونے والے وکٹ کیپر بلے باز کوئنٹن ڈی کاک کو معافی مانگنے کے بعد آج پروٹیز پلیئنگ الیون کا حصہ بنایا گیا ہے۔
تبصرے بند ہیں.