اداکار عمر شریف کی نماز جنازہ آج ادا کی جائے
برلن : پاکستان :کے معروف کامیڈین عمر شریف کی آج جرمنی میں نماز جنازہ ادا کی جائے گی ۔ ان کی میت کل پاکستان پہنچے گی ۔
تفصیلات کے مطابق معروف کامیڈین عمر شریف کی جرمنی کےشہر نیورمبرگ میں آج نماز جنازہ ادا کی جائے گی ان کی اہلیہ زریں غزل کل ان کی میت کے ساتھ ممکنہ طورپر پاکستان پہنچیں گی ۔
اداکار عمر شریف دل گردوں اور شوگر کے مرض میں مبتلا تھے اور علاج کے لئے امریکا کے سفر پر تھے ۔
ان کو ائر ایمبولینس کے ذریعے امریکا پہنچنا تھا لیکن ائر ایمبولینس کے جرمنی میں سٹاپ اوور کے دوران ان کی طبعیت بگڑگئی جس کے بعد ان کو نیورمبرگ کے مقامی ہسپتال میں داخل کرا دیا گیا ۔
ڈاکٹروں کا کہنا تھا کہ ان کو نمونیا ہوگیا ہے اور طبعیت بہتر ہونے کے بعد ہی وہ سفر کے قابل ہوسکیں گے ۔
ہسپتال میں دوران علاج ہی ڈاکٹروں نے عمر شریف کے ڈائیلاسز کرنے کا فیصلہ کیا ڈائیلاسز کے عمل کے دوران ان کی طبعیت خراب ہوگئی ۔
ڈاکٹروں کا کہنا ہے کہ عمر شریف کو ڈائیلاسز کے بعد دل کا دورہ پڑا جو جان لیوا ثابت ہوا ۔
تبصرے بند ہیں.