وزیراعظم اور آرمی چیف کا سید علی گیلانی کی جدوجہد کو خراج تحسین
اسلام آباد: وزیراعظم عمران خان نے ممتاز کشمیر رہنما سید علی گیلانی کی وفات پر گہرے دکھ اور افسوس کا اظہار کرتے ہوئے ان کی جرات مندانہ جدوجہد کو زبردست خراج عقیدت پیش کیا ہے۔
سماجی رابطوں کی ویب سائٹ ٹویٹر پر جاری اپنے بیان میں وزیراعظم عمران خان نے لکھا کہ بزرگ کشمیری رہنما سید علی گیلانی نے حق خود ارادیت کیلئے اپنی ساری زندگی کو اپنے لوگوں کیلئے وقف کر دیا تھا۔
وزیراعظم عمران خان نے اپنی ٹویٹ میں لکھا کہ سید علی گیلانی نے مقبوضہ کشمیر میں کی قید وبند کی اذیتیں برداشت کرنے کے باوجود اپنے عزم پر قائم رہے۔
We in Pakistan salute his courageous struggle & remember his words: "Hum Pakistani hain aur Pakistan Humara hai". The Pakistan flag will fly at half mast and we will observe a day of official mourning.
— Imran Khan (@ImranKhanPTI) September 1, 2021
ان کا کہنا تھا کہ ہم سید علی گیلانی کے یہ تاریخی الفاظ یاد کرتے ہوئے کہ ’ہم پاکستانی ہیں اور پاکستان ہمارا ہے۔‘ ان کی کی جرات مندانہ جدوجہد کو سلام پیش کرتے ہیں۔
وزیراعظم نے اعلان کیا کہ سید علی گیلانی کے انتقال پر آج پاکستان بھر میں سرکاری سطح پر یوم سوگ مناتے ہوئے قومی کو پرچم سرنگوں رکھا جائے گا۔
General Qamar Javed Bajwa #COAS expresses deepest grief on the sad demise of Syed Ali Shah Geelani, icon of #Kashmir Freedom Movement. “ His lifelong sacrifices & ceaseless struggle symbolises indomitable resolve of Kashmiris against Indian occupation. (1/2)
— DG ISPR (@OfficialDGISPR) September 1, 2021
آرمی چیف جنرل قمر جاوید باجوہ نے بھی کشمیری رہنما سید علی شاہ گیلانی کی وفات پر افسوس اور گہرے دکھ کا اظہار کیا ہے۔
پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ سید علی گیلانی کی جدوجہد بھارتی قبضے کے خلاف ناقابل تسخیر عزم کی علامت ہے۔
ادھر آزاد کشمیر کے وزیراعظم عبدالقیوم نیازی نے بھی ممتاز حریت رہنما سید علی شاہ گیلانی کے انتقال پر دکھ کا اظہار کرتے ہوئے کہا ہے کہ ان کی رحلت کشمیری عوام کیلئے بہت بڑا نقصان ہے۔
آزاد کشمیر کے وزیراعظم نے بھی بزرگ کشمیری رہنما سید علی شاہ گیلانی کے انتقال پر عام تعطیل اور تین روزہ سوگ کا اعلان کیا ہے۔
تبصرے بند ہیں.