مدھیا پردیش : مزدور کو کوئلے کی کان سے کروڑوں کا ہیرا مل گیا۔ بھارت میں قرض میں جکڑے مزدور کی قسمت اس وقت بدلی جب اس کو کوئلے کی کان سے کروڑوں روپے کا ہیرا ملا۔
بھارتی ریاست مدھیا پردیش کے شہر پنا کی ایک کان سے کھدائی کے دوران راجو گوند نامی مزدور کو 19.22 قیراط کا قیمتی ہیرا ملا ۔
رپورٹ کے مطابق مزدور معمول کے مطابق کان میں گیا اور قیمتی پتھروں کو ڈھونڈنے کے لیے کھدائی شروع کی تو اچانک اسے چمکتی ہوئی چیز نظر آئی، مٹی صاف کرنے اور پانی سے دھونے کے بعد اسے معلوم ہوا کہ یہ قیمتی ہیرا ہے۔
مزدور راجو حکومت کے بنائے گئے ڈائمنڈ آفس گیا جہاں ہیرے کا وزن کیا گیا تو معلوم ہوا کہ یہ 19.22 قیراط کا ہے جس کو نیلامی میں 95 ہزار ڈالرز میں فروخت کیا جاسکتا ہے۔
رپورٹ کے مطابق حکومت کی اگلی نیلامی میں اس قیمتی ہیرے کو فروخت کیا جائے گا اور ٹیکس کاٹ کر باقی رقم راجو کو دے دی جائے گی۔
راجو نے بتایا کہ وہ تقریباً 10 برس سے اس علاقے میں کانوں میں کھدائی کر رہا تھا اور اس کی کوشش تھی کہ اسے کوئی خزانہ مل جائے۔ رپورٹس کے مطابق 2018 میں ایک مزدور کو پنا میں کان میں سے ڈیڑھ کروڑ روپے کا ہیرا ملا تھا۔
تبصرے بند ہیں.