علی محمد خان کی ریاست سے گرفتار کارکنوں کو تنبیہ کرکے معاف کرنے کی اپیل

اسلام آباد :پی ٹی آئی کے مرکزی رہنما علی محمد خان نے ریاست سے تمام گرفتار کارکنوں کو تنبیہ کرکے معاف کرنے کی اپیل کردی۔

پی ٹی آئی کے مرکزی رہنما علی محمد خان نے نجی ٹی وی کے پروگرام میں  ریاست سے تمام گرفتار کارکنوں کو تنبیہ کرکے معاف کرنے کی اپیل کی۔ انہوں نے ا یک سوال کے جواب میں کہاکہ  مراد سعید اور شہریار آفریدی کو بھی الیکشن لڑنے کا موقع دیا جائے۔

ان کاکہنا تھا کا ان رہنماؤں نے ہمیشہ ریاستی اداروں کے دفاع کی بات کی ہے اور پاکستان زندہ باد کہا ہے۔ نئی انتخابی حلقہ بندیوں میں میرے حلقے سے میرا گاؤں نکال دیا گیا ہے۔ اگر کوئی پارٹی چھوڑ کر جانا چاہتا ہے تو وہ اپنی مرضی سے جائے، جو اپنی مرضی سے نہیں گیا تو ان کی واپسی کا طریقہ کار بانی پی ٹی آئی طے کریں گے۔

علی محمد خان نے یہ بھی کہا کہ جس طرح انوار الحق کاکڑ صاحب نگران وزیراعظم ہیں، اسی طرح نگران چیئرمین گوہر خان ہیں۔