ملک میں ہر پانچ سال بعد مردم شماری کرانے کا فیصلہ

64

کراچی: ملک میں ہر پانچ سال بعد مردم شماری کرانے کا فیصلہ کیا گیا ہے۔ یہ فیصلہ وزیراعظم عمران خان نے کیا ہے۔

 

وفاقی وزیر منصوبہ بندی اسد عمر نے ورکرز کنونشن سے خطاب کرتے ہوئے انکشاف کیا کہ وزیراعظم عمران خان نے فیصلہ کیا ہے کہ ملک میں ہر پانچ سال کے بعد مردم شماری کرائی جائے گی۔ وزیراعظم عمران خان نے کراچی کو صدر پاکستان اورگورنرسندھ  دیے ہیں۔

 

انہوں نے زور دے کر کہا کہ کراچی کی نوکریاں کراچی والوں کو ملنی چاہئیں اور آئندہ دو ہفتے میں وزیراعظم عمران خان کراچی کا دورہ کریں گے اور گرین لائن کا افتتاح کریں گے۔

 

وفاقی وزیر اسد عمر نے کہا کہ عمران خان کی جدوجہد میرٹ اورانصاف کے لیے ہے اور وفاق کی معاونت سے کراچی کی ترقی کا سفر شروع ہوا ہے۔

 

انہوں نے کہا کہ دسمبر 2022 میں مردم شماری مکمل کرلی جائے گی۔ ان کا کہنا تھا کہ کراچی کا دیرینہ مطالبہ مردم شماری رہا ہے۔

 

پی ٹی آئی سے تعلق رکھنے والے وفاقی وزیر اسدعمر نے الزام عائد کیا کہ سندھ حکومت نے مقامی حکومتوں سے اختیارات چھین لیے ہیں اور حکومت سندھ کے نئے نظام کو یکسر مسترد کرتے ہیں۔

 

تبصرے بند ہیں.