پاکستان میں کورونا سے مزید 83 افراد جان کی بازی ہار گئے

لاہور: پاکستان میں مہلک وائرس مزید 83 افراد کو نِگل گیا جس کے بعد اموات کی تعداد 26 ہزار 413 ہو گئی ۔

نیشنل کمانڈ اینڈ آپریشن سنٹر (این سی او سی) کی جانب سے جاری اعداد و شمار کے مطابق 24 گھنٹے کے دوران ملک بھر میں 3 ہزار 902 افراد میں کورونا کی تصدیق ہوئی جبکہ 60 ہزار 537 کورونا ٹیسٹ کئے گئے ۔

این سی او سی کی رپورٹ میں مزید کہا گیا کہ کورونا کے مثبت کیسز کی شرح 6.44 فیصد رہی جبکہ ملک بھر میں کورونا کیسز کی مجموعی تعداد 11 لاکھ 90 ہزار 136 ہو گئی ۔