عمران نیازی نے ذاتی سیاست کیلئے ملک کے سفارتی تعلقات کو نقصان پہنچایا: وزیراعظم

اسلام آباد: وزیراعظم شہباز شریف نے کہا ہے کہ عمران نیازی نے غیر ملکی انٹرویو میں غیرملکی سازش کی خود ہی تردید کردی ۔

اپنی ٹویٹ میں وزیراعظم نے کہا کہ عمران نیازی نے ذاتی سیاست کیلئے ملک کے سفارتی تعلقات کو نقصان پہنچایا ۔ پاکستان کو نقصان پہنچانے والے اس مکار کو قوم پہچان چکی ہے ۔

Niazi's interview with FT in which he rebutted his foreign conspiracy theory is a reminder of vicious role he played to harm Pakistan's external relations while pursuing his own petty politics. Nation is shocked by his deceit & treachery inflicting irreparable damage on Pakistan.

— Shehbaz Sharif (@CMShehbaz) November 14, 2022

واضح رہے کہ چیئرمین پی ٹی آئی امریکی سازش کے بیانیے سے ہی دستبردار ہوگئے ہیں ۔ عمران خان نے کہا وہ اس معاملے کو پیچھے چھوڑ کر آگے بڑھ چکے ہیں، وزیر اعظم بنے تو امریکا سمیت تمام ملکوں کے ساتھ اچھے تعلقات بنائیں گے ۔

فنانشل ٹائمز کو دیئے گئے ایک انٹرویو میں سابق وزیر اعظم عمران خان کا کہنا تھا واشنگٹن سے تعلق ہمارے لیے بہت اہمیت کے حامل ہیں ۔

عمران خان کا کہنا تھا جس پاکستان کی وہ قیادت کرنا چاہتے ہیں اس کے امریکا سمیت سب کے ساتھ اچھے تعلقات ہونے چاہیں ، عام انتخابات کے حوالے سے عمران خان کا کہنا تھا اگر عام انتخابات کا جلداعلان نہ کیا گیا تو حالات قابو سے باہر ہوجائیں گے ، انہوں نے مزید کہا کہ مستقبل کے حوالے سے ان کے ذہن میں جو منصوبے ہیں اس میں پاک فوج کا کردار انتہائی اہم ہوگا ۔