اداکارہ عروہ حسین نے ثناء جاوید کی چھٹی کروا دی

111

 

لاہور: پاکستان کی معروف اداکارہ عروہ حسین نے حالیہ دنوں  ساتھی ورکرز کیساتھ نامناسب رویہ اختیار کرنے کے الزامات کا شکار اداکارہ ثناء جاوید کی چھٹی کروا دی ہے۔

 

 

تفصیلات کے مطابق خواتین کے ملبوسات تیار کرنے والے ایک مشہور برانڈ نے عید کلیکشن کیلئے ثناء جاوید سے معاہدہ منسوخ کرتے ہوئےاب عروہ حسین  کو متعارف کروا دیا ہے۔

 

واضح رہے کہ حالیہ دنوں میں  شوبز انڈسٹری سے وابستہ مختلف شخصیات نے  اداکارہ ثناء جاوید کے رویے سے متعلق  الزامات لگائے گئے تھے جس کے بعد ملبوسات کے مشہور برانڈ  نے اپنی سوشل میڈیا پوسٹ میں بتایا کہ انہوں نے اپنی عید کلیکشن کی لانچنگ  کیلئے اداکارہ ثنا جاوید کے ساتھ معاہدہ منسوخ کردیا ہے۔

 

برانڈ کی جانب سے کہا جا رہا ہے کہ اداکارہ ثناء جاوید کا  ماڈل منال ندیم اور باقی کے عملے کے ساتھ جو تنازعہ سوشل میڈیا پر سامنے آرہا ہے وہ انہی کی عید کلیکشن کا شوٹ کرتے ہوئے پیش آیا تھا  جس نے ہماری لیے  پریشانی پیدا کر دی ہے اور یہی وجہ ہے کہ ثناء جاوید کو عید کلیکشن کیلئے شوٹ سے علیحدہ کرنے کا فیصلہ کیا اور اداکارہ عروہ حسین کو اس پراجیکٹ میں مرکزی حیثیت سے شامل کر لیا گیا ہے۔

 

View this post on Instagram

A post shared by URWA HOCANE (@urwatistic)

اداکارہ عروہ حسین نے بھی  اپنے آفیشل انسٹاگرام اکاؤنٹ پر اس حوالے سے تصدیق کی ہے۔

 

 

یاد رہے کہ گزشتہ دنوں ماڈل منال سلیم، میک اپ آرٹسٹ واجد خان اور اکرام گوہر سمیت مختلف فنکاروں  نے ثناء جاوید پر  نامناسب برتاؤ اپنانے  کے الزامات عائد کیے، تاہم  اداکارہ نے بھی جوابی کارروائی کرتے ہوئے الزامات لگانے والوں کیخلاف قانونی چارہ جوئی کا اعلان کیا ۔

 

 

 

تبصرے بند ہیں.