علیزے شاہ کاسگریٹ پینے کی ویڈیو بنانیوالے کو سبق سکھانے کا فیصلہ
لاہور: پاکستان کی معروف اداکارہ علیزے شاہ ان دنوں اپنی ایک ویڈیو کے باعث سوشل میڈیا پر موضوع بحث بنی ہوئی ہیں ، ویڈیو میں اداکارہ کو سگریٹ نوشی کرتے دیکھا جا سکتا ہے، ویڈیو کسی نے علیزے کی مرضی کے بغیر بنا کر سوشل میڈیا پر اپلوڈ کی جو کہ اب وائرل ہو چکی ہے۔تاہم اداکارہ اس عمل سے کافی ناراض ہیں اور انہوں نے ایف آئی اے سائبر کرائم سے بھی رجوع کر لیا ہے۔
View this post on Instagram
اداکارہ علیزے شاہ نےاپنی انسٹاگرام اسٹوریز پر سائبر کرائم ایف آئی اے کے افسر کی ایک ویڈیو بھی پوسٹ کی ہے جس میں ایف آئی اے اہلکار اس بارے میں بتاتے ہوئے کہتے ہیں کہ کس طرح کسی کی مرضی کے بغیر کسی کی تصویریا ویڈیو لینا مکمل پر غیر قانونی ہے۔مزید بات کرتے ہوئے کہتے ہیں کہ سوشل میڈیا پر کسی دوسرے کی ذاتی زندگی سے متعلق کسی فعل کو اس انداز میں شیئر کرنا بھی کسی صورت قابل قبول نہیں ہے۔ایف آئی اے اہلکار نے مزید کہا کہ یہ ایک جرم ہے اور جو شخص اس جرم کا مرتکب ہو گا اسے 3 سال قید کی سزا بھگتنی ہوگی لہٰذا محتاط رہیں۔
یاد رہے کہ گزشتہ دنوں علیزے شاہ کی سیگریٹ نوشی کی ویڈیو سوشل میڈیا پر وائرل ہو گئی تھی۔جس کے بعد انٹرنیٹ صارفین کی جانب سے تنقید کا سلسلہ شروع ہو گیا تاہم کچھ صارفین نے اس عمل کو اداکارہ کا ذاتی فعل بھی قرار دیا تھا۔
تبصرے بند ہیں.