اداکار انیل کپور نے اشتہار کے لیے 10 کروڑ روپے کی بھاری پیشکش کو مسترد کر دیا

بھارت :بالی ووڈ کے اداکار انیل کپور نے ایک اشتہار کے لیے 10 کروڑ روپے کی بھاری پیشکش کو مسترد کر دیا ہے۔ 67 سالہ انیل کپور حال ہی میں اس فیصلے کی وجہ سے خبروں میں ہیں۔ انہوں نے بتایا کہ جب بھی انہیں کسی اشتہار کی پیشکش ہوتی ہے، وہ مالی فوائد کے ساتھ ساتھ اس کی اخلاقی حیثیت پر بھی غور کرتے ہیں اور صحت مند برانڈز کی ترویج کے لیے اپنی سوچ کے مطابق عمل کرنے کی کوشش کرتے ہیں۔

اسی صحت مند سوچ کے تحت، انیل کپور نے ایک پان مسالہ کے اشتہار کو ٹھکرانے کا فیصلہ کیا، جس کے لیے انہیں 10 کروڑ روپے کی بڑی رقم کی پیشکش کی گئی تھی۔ یاد رہے کہ کچھ عرصہ قبل اجے دیوگن، اکشے کمار، اور شاہ رخ خان جیسے ستاروں کو بھی پان مسالہ کی تشہیر کرنے پر تنقید کا سامنا کرنا پڑا تھا۔