سرکاری ملازمت کیلئے عمر کی بالائی حدمیں کمی، نگران وزیر اعلیٰ بلوچستان کا بیان سامنے آ گیا

کوئٹہ: سرکاری ملازمت میں بالائی عمر  45 سال سے کم کر کے 35 سال مقرر کرنے کے حوالے سے نگران وزیراعلیٰ بلوچستان کا کہنا ہے کہ سرکاری ملازمت کے لیے عمر کی حد میں کمی کا فیصلہ حتمی نہیں ہے۔

سماجی رابطے کی ویب سائٹ ایکس پر  نگراں وزیر اعلیٰ بلوچستان میر علی مردان خان ڈومکی نے پیغام جاری کرتے ہوئے کہا کہ تا حال سرکاری ملازمت کے حصول کے لئے عمر کی بالائی حد میں کمی کا حتمی فیصلہ نہیں کیا گیا۔

نگران وزیر اعلیٰ کا کہنا تھا کہ سرکاری ملازمت کے لیے عمر کی حد کا معاملہ کابینہ کے آئندہ اجلاس میں مزید غور کے لیے رکھا گیا ہے۔

سرکاری ملازمت کے حصول کے لئے عمر کی بالائی حد میں کمی کا حتمی فیصلہ نہیں کیا گیا، معاملہ کابینہ کے آئندہ اجلاس میں مزید غور کے لئے رکھا گیا ہے

— Mir Ali Mardan Domki (@MirAliMardan) October 19, 2023

واضح رہے کہ بلوچستان کابینہ کے نگران وزیر اعلیٰ میر علی مردان ڈامکی کی زیر صدارت گزشتہ اجلاس میں محکمہ سروسز اینڈ جنرل ایڈمنسٹریشن ڈیپارٹمنٹ کی جانب سے یہ ایجنڈا پوائنٹ پیش کیا گیا تھا۔ نگران کابینہ نے اس معاملے پر تمام پہلووٴں کا جائزہ لیا تھا اور کابینہ اراکین اور متعلقہ محکمے نے رائے پیش کی تھی، نگران کابینہ کے تیسرے اجلاس میں سرکاری ملازمت کے لیے عمر کی بالائی حد کم کرنے کی منظوری دی تھی۔