اسلام آباد: وفاقی دارالحکومت اسلام آباد کے راستے سیاحوں کے مری اور گلیات جانے پر عائد پابندی میں مزید 24 گھنٹوں کی توسیع کر دی گئی ہے۔
تفصیلات کے مطابق وفاقی وزیر داخلہ شیخ رشید نے کہا ہے کہ مری اور گلیات جانے پر عائد پابندی میں 24 گھنٹے کی توسیع کر دی ہے تاہم مری اور ملحقہ علاقے کے رہائیشیوں پراس پابندی کا اطلاق نہیں ہو گا جبکہ سیاحوں کو مری، گلیات جانے کی اجازت دینے کا فیصلہ صورتحال کے مطابق کیا جائے گا۔
ایڈمن پوسٹ
سیاحوں کیلئے اسلام آباد کے راستے مری اور گلیات جانے کا معاملہ
حکومت نے مری اور گلیات جانے کےلئے عائدپابندی میں چوبیس گھنٹے کی توسیع کردی ہے۔
مری اور ملحقہ علاقے کے رہائشیوں کا اس پابندی پر اطلاق نہیں ہوگا۔
مری اور گلیات کی صورت حال کا مسلسل جائزہ لیا جارہا ہے۔
1/2— Sheikh Rashid Ahmed (@ShkhRasheed) January 10, 2022
واضح رہے کہ مری کے تمام داخلی راستے سیاحوں کیلئے آج رات 9 بجے تک بند کئے گئے تھے تاہم اس میں اب مزید 24 گھنٹے کی توسیع کردی گئی ہے اور مری میں سڑکوں کی مکمل بحالی اور برف میں پھنسی گاڑیوں کو نکالنے کا سلسلہ جاری ہے۔
خیال رہے کہ مری میں شدید برف باری اور سیاحوں کے رش کی وجہ سے صورتحال انتہائی خراب ہوگئی تھی اور 23 افراد کی گاڑیوں میں اموات کے بعد سیاحتی مقام کو آفت زدہ قرار دے کر ایمرجنسی نافذ کر دی گئی تھی۔
تبصرے بند ہیں.