وزیر اعظم عمران خان نے افغان کرکٹ ٹیم سے متعلق زبردست پیشگوئی کر دی

اسلام آباد:وزیر اعظم عمران خان نے پاکستان افغانستان کے دلچسپ مقابلہ کے بعد ٹوئٹ کرتے ہوئے کہا کہ جس طرح افغانستان کرکٹ ٹیم بہترین پرفارمنس دے رہی ہے یہ بہت جلد عالمی کرکٹ میں اپنی جگہ بنا لینگے ،مقابلے کی اس سکت اور استعداد کے باعث افغانستان میں کرکٹ کا مستقبل بھی روشن ہے۔

وزیر اعظم عمران خان نے پاک افغان کرکٹ میچ کے بعد ٹیم پاکستان کو مبارکباد دیتے ہوئےکہا کہ تمام کھلاڑیوں نے شاندار کھیل پیش کیا ،ٹیم پاکستان کو مبارکباد کیساتھ وزیر اعظم نے کہا کہ افغانستان کی ٹیم نے شاندار کھیل پیش کیا ۔

بہت مبارک ٹیم پاکستان! افغان ٹیم کی جانب سے متاثر کن کھیل پیش کیا گیا۔ میں نے کسی ٹیم کو اتنی تیزی سے عالمی کرکٹ میں اپنی جگہ بناتے اور مقابلے کی غیرمعمولی قابلیت حاصل کرتے نہیں دیکھا۔ مقابلے کی اس سکت اور استعداد کے باعث افغانستان میں کرکٹ کا مستقبل روشن ہے۔

— Imran Khan (@ImranKhanPTI) October 29, 2021

سوشل میڈیا پر ایک پیغام میں وزیراعظم عمران خان نےپاکستانی ٹیم کو مبارک باد دیتے ہوئے کہا کہ جتنی تیزی سے افغانستان کرکٹ ٹیم آگے آئی ہے ایسا پہلے نہیں دیکھا، اس ٹیلنٹ کے ساتھ افغانستان کی کرکٹ کا مستقبل روشن نظر آر رہا ہے۔