بلوچستان اسمبلی کے حلقہ پی بی 8 میں ضمنی انتخاب کے لیے پولنگ کا آغاز

سبی: بلوچستان اسمبلی کے حلقہ پی بی 8 سبی کم لہڑی میں ضمنی انتخاب کے لیے پولنگ کا عمل شروع ہوگیا ہے۔

پولنگ کا آغاز آج صبح 8 بجے ہوا اور یہ بغیر کسی وقفے کے شام 5 بجے تک جاری رہے گی۔ حلقے میں مجموعی طور پر ایک لاکھ 16 ہزار سے زائد ووٹرز اپنا حق رائے دہی استعمال کریں گے۔

انتخابی عمل کے دوران، حلقے کے 34 پولنگ سٹیشنز کو حساس قرار دیا گیا ہے۔ ان سٹیشنز پر سکیورٹی کے سخت انتظامات کیے گئے ہیں اور سی سی ٹی وی کیمروں کی نگرانی بھی کی جا رہی ہے تاکہ پولنگ کے دوران کسی بھی ناخوشگوار واقعے سے بچا جا سکے۔

ذرائع کے مطابق، اس حلقے میں پیپلز پارٹی کے امیدوار سردار کوہیار خان ڈومکی اور آزاد امیدوار میر اصغر خان مری کے درمیان سخت مقابلہ متوقع ہے۔