چینی اور دالوں کی قیمتوں میں کمی، آٹے کی قیمتوں میں اضافہ

لاہور:لاہور میں چینی کی قیمت میں 32 روپے فی کلو کی کمی کے بعد یہ 125 روپے فی کلو ہو گئی ہے، جو پہلے 157 روپے تھی۔ دالوں کی قیمتوں میں بھی کمی دیکھنے کو ملی ہے، جیسے دال چنا 40 روپے کم ہو کر 360 روپے فی کلو، دال ماش 75 روپے کم ہو کر 425 روپے، کابلی چنا درجہ اول 45 روپے کم ہو کر 355 روپے، اور کابلی چنا چھوٹا 25 روپے کم ہو کر 295 روپے فی کلو ہوگیا ہے۔

ستمبر سے لے کر اب تک کالے چنے کی قیمت میں 50 روپے کی کمی ہوئی ہے، اور مزید کمی کی امید کی جا رہی ہے۔ دوسری طرف، 20 کلو آٹے کے تھیلے کی قیمت میں 60 روپے کا اضافہ ہوا ہے اور اب یہ 1685 روپے میں دستیاب ہے۔