بارسلونا نے ریال میڈرڈ کو 4-0 سے شکست دے کر لیگ میں بڑی فتح حاصل کرلی

اسپین:اسپین کی فٹ بال لیگ لالیگا کے ایک اہم میچ میں، ایف سی بارسلونا نے اتوار کو ریال میڈرڈ کو سینٹیاگو بیرنابیو اسٹیڈیم میں 4-0 کی زبردست شکست دی۔

بارسلونا کی جانب سے دابڑٹ لیوانڈوسکی نے شاندار کھیل کا مظاہرہ کرتے ہوئے دو گول اسکور کیے، جبکہ نوجوان کھلاڑی لامین یمال اور رافینحا نے ایک، ایک گول کیا۔ اس میچ میں ریال میڈرڈ کی ٹیم کو بارسلونا کے دفاعی نظام کا سامنا کرنا پڑا، جس کی وجہ سے وہ کوئی گول کرنے میں ناکام رہی۔

اس جیت کے بعد، بارسلونا پوائنٹس ٹیبل پر 30 پوائنٹس کے ساتھ پہلے نمبر پر پہنچ گیا، جبکہ ریال میڈرڈ 24 پوائنٹس کے ساتھ دوسرے نمبر پر ہے۔ بارسلونا نے اب تک 10 میچز میں کامیابی حاصل کی ہے، جب کہ ریال میڈرڈ نے 7 میچز میں فتح حاصل کی ہے۔ یہ میچ بارسلونا کے لیے ایک اہم کامیابی ہے، جو ان کے حریف ریال میڈرڈ کے خلاف شاندار کھیل کا مظاہرہ کرتا ہے۔