گورنر سندھ نے اینٹی نارکوٹکس فورس بل پر دستخط کر دیے

کراچی :گورنر سندھ کامران خان ٹیسوری نے اینٹی نارکوٹکس فورس بل پر دستخط کر دیے ہیں، جس کے تحت خصوصی عدالتیں قائم کی جائیں گی۔ اس قانون کا مقصد یہ ہے کہ اینٹی نارکوٹکس فورس منشیات کے مجرموں کو تیز تر انصاف فراہم کر سکے۔ گورنر نے اس بل کی اہمیت پر زور دیتے ہوئے کہا کہ یہ اقدام بہت ضروری ہے، کیونکہ منشیات فروش نوجوانوں کو نشے کی عادت میں مبتلا کر رہے ہیں۔ خصوصی عدالتوں کے قیام سے منشیات کی روک تھام میں بہتری آئے گی اور اس کے ذریعے معاشرتی مسائل کے حل میں بھی مدد ملے گی۔