پی ٹی آئی کو منفی سیاست کیلئے جگہ نہ دینے کا فیصلہ کیا ہے: رانا ثناء اللہ

 انہوں نے مزید کہا کہ منفی سیاست کی کوئی گنجائش نہیں اور حکومت ملکی معیشت کی بحالی پر کوئی سمجھوتا نہیں کر سکتی۔ انہوں نے امید ظاہر کی کہ آئندہ چند ماہ میں سیاسی صورتحال بہتر  ہوگی۔ انہوں نے اس یقین کا اظہار کیا کہ بجٹ خوش اسلوبی سے منظور ہو جائے گا، ملکی معیشت کی بحالی حکومت کی اولین ترجیح ہے۔

پی ٹی آئی کی سیاست کے بارے میں انہوں نے وضاحت کی کہ یہ سیاسی جماعت اپنے سیاسی فائدے کیلئے معیشت کو نقصان پہنچانے کی کوشش کر رہی ہے۔ تحریک انصاف اچھی طرح جانتی ہے کہ اگر موجودہ حکومت ملک کو معاشی بحران سے نکالنے میں کامیاب ہوگئی اور قوم کو ترقی اور خوشحالی مل گئی تو تحریک انصاف کے پاس عوام کو دینے کیلئے کچھ باقی نہیں رہے گا۔