شاہین آفریدی کااعزاز،امارات ٹی ٹوینٹی لیگ کے لیے تین سال کا معاہدہ
دبئی: پاکستانی فاسٹ بائولر شاہین آفریدی کا امارات ٹی ٹوینٹی لیگ کے لیے تین سال کا معاہدہ ہوگیا ہے۔ شاہین آفریدی پہلے پاکستانی بائولر ہوں گے جو امارات ٹی ٹوینٹی لیگ کا حصہ ہوں گے اور بھرپور ایکشن میں نظر آئیں گے۔ پاکستان کرکٹ ٹیم کے فاسٹ بائولر شاہین شاہ آفریدی انٹرنیشنل لیگ آئی ایل ٹی 20 کے دوسرے سیزن میں ایکشن میں ہوں گے۔ ان کا ڈیزرٹ وائپرز کے ساتھ 3 سال کا معاہدہ ہوگیا ہے۔
اس حوالے سے شاہین شاہ آفریدی نے کہا ہے کہ ڈیزرٹ وائپرز کا حصہ بن کر پُرجوش ہوں، یو اے ای میں پاکستانی شائقین کی بہت بڑی تعداد موجود ہے۔خیال رہے کہ ڈیزرٹ وائپرز آئی ایل ٹی 20 کے گزشتہ سیزن کی رنر اپ ٹیم ہے۔
واضح رہے کہ آئی ایل ٹی ٹوینٹی لیگ کا دوسرا سیزن متحدہ عرب امارات میں آئندہ سال جنوری میں ہو گا۔رمیز راجا کے دور میں پاکستانی کھلاڑیوں کو لیگ کے پہلے سیزن میں شرکت کی اجازت نہیں دی گئی تھی۔
تبصرے بند ہیں.