ملک کے مختلف علاقوں میں سردی کی شدت برقرار

لاہور : ملک کے مختلف حصوں میں سردی کی شدت بدستور جاری ہے، اور بالائی علاقوں میں مطلع ابر آلود رہنے کا امکان ظاہر کیا گیا ہے۔ اسلام آباد، خطہ پوٹھوہار اور خیبرپختونخوا کے میدانی علاقوں میں کہرا پڑنے کی توقع ہے۔

پہاڑی علاقوں میں شدید سردی پڑی، جہاں لےہ اور سکردو میں درجہ حرارت منفی 12 ڈگری سینٹی گریڈ تک پہنچ گیا۔ گلگت میں منفی 8، قلات میں منفی 7، استور، کوئٹہ اور زیارت میں منفی 6 ڈگری سینٹی گریڈ ریکارڈ کیا گیا۔ چترال، دیراور کالام میں درجہ حرارت منفی 5 ڈگری سینٹی گریڈ ریکارڈ کیا گیا، جبکہ راولا کوٹ اور ہنزہ میں پارہ منفی 4 ڈگری سینٹی گریڈ تک گر گیا۔