کراچی: بی ایل اے کے 7 کارندے گرفتار، اسلحہ و منشیات برآمد

کراچی: پولیس اور رینجرز کی مشترکہ کارروائی میں کراچی کے علاقے پرانا گولیمار سے کالعدم تنظیم بی ایل اے کے 7 ارکان کو گرفتار کیا گیا ہےں۔

ملزمان کے قبضے سے 8 عدد نائن ایم ایم پسٹل، 550 گولیاں، 16 موبائل فونز، 2700 گرام تنزانیہ، 1280 گرام آئس، 4 وائی فائی ڈیوائسز، ایک موٹر سائیکل اور نقد رقم برآمد کی گئی ہے۔

تفتیش کے دوران ملزمان نے اس بات کا اعتراف کیا کہ وہ کالعدم بی ایل اے کی مالی معاونت کے ساتھ ساتھ ٹارگٹ کلنگ، منشیات کی فروخت، ڈکیتیوں اور سٹریٹ کرائم میں ملوث تھے۔ ان کا کرمنل ریکارڈ بھی پولیس کے پاس موجود تھا اور وہ مختلف ایف آئی آرز میں مطلوب تھے۔ ان ملزمان کا تعلق کاشف ڈاڈا، نعیم ڈاڈا، کمال اور کاشف سندھی گروپوں سے تھا۔