سونے کی قیمتوں میں نمایاں کمی، مقامی اور بین الاقوامی مارکیٹ میں بھاری گراوٹ

کراچی: سونے کی قیمتوں میں کمی کا سلسلہ جاری ہے، جس کے تحت ملک اور دنیا بھر کی مارکیٹوں میں سونے کی قیمت میں واضح کمی ریکارڈ کی گئی ہے۔

پاکستانی صرافہ مارکیٹ میں فی تولہ سونے کی قیمت میں 2500 روپے کی کمی آئی ہے، جس کے بعد فی تولہ سونا 2 لاکھ 84 ہزار 700 روپے میں دستیاب ہے۔ اسی طرح 10 گرام سونے کی قیمت میں 2144 روپے کی کمی دیکھی گئی، جس سے اس کی قیمت 2 لاکھ 44 ہزار 84 روپے ہو گئی ہے۔

دوسری طرف، عالمی سطح پر بھی سونے کی قیمت میں بھاری کمی واقع ہوئی ہے، جس کے بعد عالمی مارکیٹ میں فی اونس سونا 25 ڈالر کمی کے ساتھ 2 ہزار 752 ڈالر پر آ گیا ہے۔

ماہرین کے مطابق سونے کی قیمتوں میں اس گراوٹ کا سبب عالمی اقتصادی حالات اور کرنسی کی قیمتوں میں اتار چڑھاؤ ہو سکتا ہے۔