پولیو قطرے نہ لینے والے بچوں کا ریکارڈ ڈیجیٹل ہوگا

لاہور: پنجاب میں پولیو کے قطرے نہ لینے والے بچوں کے ریکارڈ کو پہلی بار ڈیجیٹل کرنے کا فیصلہ کیا گیا ہے۔ وزیر صحت پنجاب، خواجہ عمران نذیر، نے کہا کہ اس منصوبے کے تحت ہر بچے کا ریکارڈ کمپیوٹرائزڈ کیا جائے گا، اور لاہور میں 5 سال سے کم عمر بچوں کے لیے ایک پائلٹ پروجیکٹ شروع ہوگا۔

انہوں نے مزید بتایا کہ گزشتہ سال پاکستان میں پولیو وائرس کے پھیلاؤ میں اضافہ ہوا، جس کے خلاف اقدامات کرنے کے لیے وزیراعلیٰ پنجاب نے ایک جامع منصوبہ تیار کرنے کی ہدایت کی ہے۔ اس ڈیجیٹل نظام کے ذریعے انسداد پولیو کے قطرے نہ لینے والے بچوں کی مکمل معلومات دستیاب ہوں گی، جو ان کی بہتر دیکھ بھال میں مدد دے گی۔