فائرنگ کا واقعہ، سلمان خان نے گلیکسی اپارٹمنٹ چھوڑ دیا

37

ممبئی :بالی وڈ سٹار سلمان خان ریاست مہاراشٹر کے وزیراعلیٰ ایکناتھ شندے سے ملاقات کے بعد سخت سکیورٹی کے ساتھ گلیکسی اپارٹمنٹ میں اپنی رہائش گاہ سے چلے گئے۔گذشتہ اتوار کو گلیکسی اپارٹمنٹ میں سلمان خان کے رہائش گاہ کے باہر فائرنگ کا واقعہ پیش آیا تھا، خوش قسمتی سے سلمان اور ان کے اہل خانہ محفوظ رہے، تاہم واقعے کے بعد بالی وڈ سٹار کی سکیورٹی بڑھادی گئی۔

فائرنگ میں ملوث 2 مشتبہ افراد کو گجرات کے بھوج ضلع سے گرفتار کر لیا گیا ہے، جو واقعے کے بعد ممبئی سے فرار ہوگئے تھے۔ملزمان کو ممبئی کی قلعہ کورٹ میں پیش کیا گیا، جو 25 اپریل تک پولیس کی تحویل میں رہیں گے۔

مہاراشٹر کے وزیراعلیٰ ایکناتھ شندے نے حال ہی میں سلمان خان سے ان کی رہائش گاہ پر ملاقات کی، ملاقات کے بعد سلمان اپنے گھر سے چلے گئے۔ جس کی ویڈیو بھی سوشل میڈیا پر وائرل ہوگئی۔ویڈیو میں دیکھا جاسکتا ہے کہ سلمان اپنی لگژری گاڑی میں سخت سکیورٹی کے ساتھ اپنی رہائش گاہ سے جارہے ہیں۔

ملاقات کے دوران وزیراعلیٰ نے سلمان خان اور ان کی فیملی کو تحفظ کی یقین دہانی کروائی۔

تبصرے بند ہیں.