آسٹریلیا کے خلاف قومی ٹیسٹ اسکواڈ کا اعلان آج یا کل متوقع
لاہور: آسٹریلیا کے خلاف قومی ٹیسٹ اسکواڈ کا اعلان آج یا کل متوقع ہے، آسٹریلوی ٹیم 24 سال بعد 27 فروری کو اسلام آباد پہنچے گی۔ جبکہ دونوں ٹیموں کے درمیان سیریز کا پہلا ٹیسٹ میچ 4مارچ سے راولپنڈی میں شروع ہو گا۔
تفصیلات کے مطابق پاکستان کرکٹ بورڈ (پی سی بی ) کی جانب سےآسٹریلیا کیخلاف ٹیسٹ سیریز کیلئے اسکواڈ کااعلان آج یا کل ہونے کی توقع ہے، چیف سلیکٹر محمد وسیم 15 رکنی اسکواڈ اور 5 ریزرو کھلاڑیوں کا اعلان کرینگے۔
قومی ٹیسٹ اسکواڈ کے کھلاڑیوں نے ٹیم مینجمنٹ سے کیمپ کراچی کی بجائے راولپنڈی لگانے کی درخواست کردی ہے۔
واضح رہے کہ کرکٹ آسٹریلیا نے پاکستان کیخلاف ٹیسٹ سیریز کے لیے 18 رکنی اسکواڈ کا اعلان کر دیا ہے، پیٹ کمنز آسٹریلین ٹیم کے کپتان جبکہ اسٹیو اسمتھ نائب کپتان ہوں گے۔
آسٹریلوی اسکواڈ میں کپتان پیٹ کمنز اور نائب کپتان اسٹیو اسمتھ کے علاوہ ایشٹن اگر، اسکاٹ بولینڈ،ایلکس کیری ، کیمرون گرین، مارک ہیرس، جوش ہیزل ووڈ، ٹریوس ہیڈ، جوش انگلس، عثمان خواجہ، مارنس لبوشین ، نیتھن لیون، مچل مارش، مچل نصر ، مچل اسٹارک ، مچل سویپسن اور ڈیوڈ وارنر اسکواڈ کا حصہ ہوں گے۔
Our 18-player Test squad for the Qantas tour of Pakistan! 🔒
The Test playing contingent and staff are due to depart for Pakistan later this month while white ball players, to be announced separately, will join mid-tour for the ODI and T20I matches. pic.twitter.com/7RM0HwKygq
— Cricket Australia (@CricketAus) February 7, 2022
واضح رہے کہ پاکستان اور آسٹریلیا کی ٹیموں کے درمیان 3 ٹیسٹ میچ کھیلے جائیں گے، پہلا ٹیسٹ میچ 4 مارچ سے راولپنڈی میں شروع ہوگا جبکہ دوسرا 12 مارچ سے کراچی میں کھیلا جائے گا اور سیریز کا تیسرا اور آخری ٹیسٹ21 مارچ سے لاہور میں شروع ہوگا۔
تبصرے بند ہیں.