افغان سلامتی امور کے مشیر اور وزیر مملکت کی لندن میں نواز شریف سے اہم ملاقات

لندن: افغان سلامتی امور کے مشیر حمد اللہ محب اور وزیر مملکت برائے امن سید سعادت نادری نے لندن میں سابق وزیر اعظم نواز شریف سے ملاقات کی ، ملاقات میں خطے کی صورتحال پر تبادلہ خیال کیا گیا ۔

اس حوالے سے افغان قومی سلامتی کونسل کا بیان بھی سامنے آیا ہے جس میں بتایا گیا ہے کہ افغان حکام نے نواز شریف سے باہمی دلچسپی کے امور پر تبادلہ خیال کیا ۔

ادھر ، وفاقی وزیر اطلاعات فواد چوہدری نے نواز شریف سے افغان عہدیدار کی ملاقات کو تنقید کا نشانہ بناتے ہوئے کہا ہے کہ نواز شریف کو پاکستان سے باہر بھیجنا اس لئے خطرناک تھا کہ ایسے لوگ بین الاقوامی سازشوں میں مددگار بن جاتے ہیں ۔

نواز شریف کو پاکستان سےباہر بھیجنا اس لئے خطرناک تھا کہ ایسے لوگ بین الاقوامی سازشوں میں مددگار بن جاتے ہیں
نواز شریف کی افغانستان میں RAW کے سب سے بڑے حلیف حمداللہ محب سے ملاقات ایسی ہی کاروائی کی مثال ہے
مودی ، محب یا امراللہ صالح ہر پاکستان دشمن نواز شریف کا قریبی دوست ہے pic.twitter.com/OafVmwUPuJ

— Fawad Chaudhry (Updates) (@FawadPTIUpdates) July 24, 2021

انہوں نے کہا کہ نواز شریف کی افغانستان میں را کے سب سے بڑے حلیف حمد اللہ محب سے ملاقات ایسی ہی کارروائی کی مثال ہے ۔ وفاقی وزیر نے کہا مودی محب یا امراللہ صالح سمیت ہر پاکستان دشمن نواز شریف کا قریبی دوست ہے ۔