شوگر ملز کا چینی کے نئے سرکاری ریٹ کو ماننے سے انکار

193

لاہور: آل پاکستان شوگرملزایسوسی ایشن نے چینی کے نئے سرکاری ایکس ملز ریٹ 70 روپے فی کلو ماننے سے انکار کردیا۔

 

آل پاکستان شوگر ملزایسوسی ایشن کے چیئرمین سکندر خان کے مطابق حکومتی فیصلہ درست نہیں، چینی اس نرخ پرسیل نہیں کریں گے۔

 

ان کا کہنا تھاکہ اس وقت ایکس ملز ریٹ 14 روپے ٹیکس کے بعد 95 روپے ہے اور یہ فیصلہ شوگر انڈسٹری اورکسانوں کےخلاف سازش ہے۔

 

انہوں نے مزید کہا کہ حکومت کی طرف سے مقرر کردہ ریٹ پر ملز دیوالیہ ہوجائیں گی،  حکومت یہ فیصلہ تب کرتی اگر ذخیرہ اندوزی ہو رہی ہوتی، یہ ممکن نہیں کہ مہنگے گنے سے بنی چینی سستی فروحت کریں۔ فیصلہ ایس ای سی پی اور آئین کی آزادنہ تجارت کی شق کےخلاف ورزی ہے۔

 

تبصرے بند ہیں.