مسلم لیگ (ن) کے رہنما عابد شیر علی کی اہلیہ انتقال کر گئیں

148

لندن: مسلم لیگ (ن) کے رہنما عابد شیر کی اہلیہ قضائے الہیٰ سے انتقال کر گئی ہیں۔ اس بات کی اطلاع خود لیگی رہنما نے اپنے ٹویٹر اکاؤنٹ کے ذریعے دی۔

سماجی رابطوں کی ویب سائٹ ٹویٹر پر جاری اپنے مختصر پیغام میں عابد شیر علی نے لکھا کہ میری اہلیہ کا انتقال ہو گیا ہے، انا للہ وان علیہ راجعون۔

خیال رہے کہ عابد شیر علی ان دنوں لندن میں سابق وزیراعظم میاں نواز شریف کیساتھ قیام پذیر ہیں۔

ان کے اہلخانہ بھی ان کیساتھ لندن میں ہیں یا پاکستان میں موجود ہیں، اس بارے میں ابھی تک کوئی اطلاع نہیں ہے

پاکستان کی سیاسی اور سماجی شخصیات کی جانب سے عابد شیر علی کی اہلیہ کے انتقال پر گہرے دکھ اور افسوس کا اظہار کرتے ہوئے مرحومہ کے درجات کی بلندی کیلئے دعا کی گئی ہے۔

تبصرے بند ہیں.