پشاور: فائرنگ کے واقعے میں دو بھائی ہلاک، پولیس تفتیش شروع

پشاور:پشاور کے علاقے موسم خان گڑھی میں دو بھائیوں کے درمیان ہونے والے لڑائی جھگڑے میں ایک دوسرے پر فائرنگ کر دی گئی، جس کے نتیجے میں دونوں بھائی زندگی کی بازی ہار گئے۔

پولیس کے مطابق مظہر اور ذوالفقار، جو کہ دونوں بھائی ہیں، نے ایک دوسرے پر گولیاں چلائیں، جس کے باعث دونوں کی موت واقع ہوئی۔ لواحقین کے مطابق مظہر نشے کا عادی تھا اور اکثر گھر والوں سے لڑائی کرتا رہتا تھا۔ گزشتہ روز بھی ایسا ہی ایک جھگڑا ہوا جس کے بعد فائرنگ ہوئی۔

پولیس نے جائے وقوعہ سے اہم شواہد جمع کیے ہیں اور تفتیش کا عمل جاری رکھا ہے۔