ملک کے مختلف شہروں میں ہلکی بارش اور پہاڑوں پر برفباری کا امکان

اسلام آباد : محکمہ موسمیات نے ملک کے مختلف علاقوں میں ہلکی بارش اور پہاڑی علاقوں میں برفباری کی پیشگوئی کی ہے۔ بیشتر علاقے سرد اور خشک رہیں گے، جبکہ پہاڑی علاقے شدید سرد اور جزوی طور پر ابر آلود رہنے کا امکان ہے۔

اسلام آباد اور اس کے گرد و نواح میں موسم سرد اور جزوی طور پر ابر آلود رہنے کی توقع ہے۔ بلوچستان کے بیشتر حصوں میں سرد اور خشک موسم برقرار رہے گا، اور پہاڑی علاقوں میں شدید سردی اور جزوی ابر آلود موسم ہوگا۔

پنجاب کے بیشتر علاقوں میں بھی سرد اور خشک موسم رہے گا، لیکن مری اور گلیات میں سردی زیادہ ہوگی اور یہاں جزوی طور پر ابر آلود موسم کا امکان ہے۔ صبح کے وقت ساہیوال، اوکاڑہ، ملتان، بہاولپور، رحیم یار خان اور بہاولنگر میں ہلکی دھند چھا سکتی ہے۔

سندھ کے بیشتر علاقوں میں سرد اور خشک موسم رہے گا، تاہم صبح کے اوقات میں سکھر، شکار پور، کشمور، خیر پور اور ان کے ارد گرد ہلکی دھند ہو سکتی ہے۔

خیبرپختونخوا کے بیشتر اضلاع میں سرد اور خشک موسم متوقع ہے، لیکن چترال، دیر، سوات اور کرم میں ہلکی بارش اور پہاڑوں پر ہلکی برفباری ہو سکتی ہے۔ کشمیر اور گلگت بلتستان میں شدید سردی اور جزوی ابر آلود موسم کا امکان ہے۔