یکم دسمبر 2024 سے پیٹرول اور ڈیزل کی قیمتوں میں اضافے کا امکان

اسلام آباد: عالمی سطح پر پیٹرولیم مصنوعات کی قیمتوں میں معمولی اضافے کو دیکھتے ہوئے یکم دسمبر 2024 سے پیٹرول کی قیمت میں 3 روپے فی لیٹر اور ڈیزل کی قیمت میں 2.87 روپے فی لیٹر اضافے کا امکان ہے۔ تاہم، حکام کا کہنا ہے کہ اسرائیل اور حزب اللہ کے درمیان جنگ بندی کے بعد عالمی مارکیٹ میں پیٹرولیم مصنوعات کی قیمتوں میں کمی کی توقع ہے، جس سے قیمتوں میں اضافہ روکنے کا امکان بھی موجود ہے۔

برینٹ کروڈ فیوچرز کی قیمت 2 سینٹ بڑھ کر 72.83 ڈالر فی بیرل ہو گئی ہے، جبکہ یو ایس ویسٹ ٹیکساس انٹرمیڈیٹ کروڈ کی قیمت 5 سینٹ کم ہو کر 68.72 ڈالر فی بیرل ہوگئی ہے۔

موجودہ 15 دنوں کے تجزیے کے مطابق، پیٹرول کی قیم

ت میں 3 روپے فی لیٹر کا اضافہ متوقع ہے، جس سے پیٹرول کی نئی قیمت 248.38 روپے سے بڑھ کر 251.38 روپے فی لیٹر ہو سکتی ہے۔ تاہم، عالمی مارکیٹ میں پیٹرولیم مصنوعات کی قیمتوں میں کمی کا امکان بھی موجود ہے، جس کی وجہ سے قیمتوں میں تبدیلی نہ بھی ہو سکتی ہے۔