پاکستان میں موسمیاتی تبدیلیاں زرعی پیداوار کو متاثر کر رہی ہیں، سیلاب، طوفان اور ہیٹ ویو جیسے خطرات پیدا ہو رہے ہیں: وفاقی وزیر خزانہ

اسلام آباد:وفاقی وزیر خزانہ محمد اورنگزیب  کاکہنا ہے کہ  پاکستان میں موسمیاتی تبدیلیاں زرعی پیداوار کو متاثر کر رہی ہیں، سیلاب، طوفان اور ہیٹ ویو جیسے خطرات پیدا ہو رہے ہیں۔

برطانوی ہائی کمیشن کے زیر اہتمام یوکے پاکستان گرین انویسٹمنٹ فورم  سے خطاب کرتے ہوئے وفاقی وزیر خزانہ محمد اورنگزیب نے کہا کہ   پاکستان میں موسمیاتی تبدیلیاں زرعی پیداوار کو متاثر کر رہی ہیں، سیلاب، طوفان اور ہیٹ ویو جیسے خطرات پیدا ہو رہے ہیں۔ان کاکہنا تھا کہ موسمیاتی خطرات پر عالمی بینک نے حال ہی میں ایک سٹڈی کی، سٹڈی میں موسمیاتی خطرات کے ممکنہ نقصانات بتائے گئے ہیں۔

ان کاکہنا تھا کہ  خطرات سے جی ڈی پی کے ایک فیصد نقصانات کا تخمینہ لگایا گیا۔ وفاقی وزیر خزانہ نے کہا کہ حکومت پائیدار ترقیاتی منصوبوں کی مالی اعانت کا ارادہ رکھتی ہے، دسمبر تک گھریلو گرین سکوک بانڈز جاری کرنے پر کام کررہے ہیں، گزشتہ 10 ماہ میں میکرو اکنامک اشاریوں میں نمایاں بہتری آئی۔

انہوں نے مزید کہاکہ افراط زر میں بہتری، زرعی شعبے میں نمو ریکارڈ کی جارہی ہے، زرمبادلہ کے ذخائر میں اضافہ، سٹاک مارکیٹ میں اضافے کا ہے۔  وزیر خزانہ نے کہا کہ آئی ایم ایف کے ساتھ 9 ماہ کا معاہدہ کامیابی سے تکمیل کو پہنچا، پاکستان آئی ایم ایف کے ساتھ ایک پروگرام کرنے کا ارادہ رکھتا ہے۔