وزیراعظم شہباز شریف کی لندن میں نواز شریف سے ملاقات، ملکی سیاسی صورتحال پر تبادلہ خیال

182

لندن: وزیراعظم شہباز شریف کی ن لیگ کے قائد نواز شریف سے ملاقات ، ملکی سیاسی صورتحال اور دیگر امور پر تبادلہ خیال ۔

 

تفصیلات کے مطابق ملاقات میں شہباز شریف نے ن لیگ کے قائد کو سیلاب کی تباکاریوں اور ریلیف کے کاموں سے آگاہ کیا ۔ وزیراعظم کے صاحبزادے سلیمان شہباز بھی ملاقات میں موجود تھے ۔

 

واضح رہے کہ وزیراعظم شہباز شریف کو برطانوی سکیورٹی پروٹوکول میں حسن نواز کے دفتر لایا گیا ۔ وزیراعظم آج بکھنگم پیلس جائیں گے ، جہاں وہ دیگر سربراہان مملکت کے ہمراہ بادشاہ چارلس سے ملاقات کریں گے ۔

 

ملاقات سے قبل میڈیا سے گفتگو کرتے ہوئے وزیر دفاع خواجہ آصف نے کہا کہ آرمی چیف کی تعیناتی آئین اور قانون کے مطابق ہو گی ۔ انہوں نے کہا کہ اہم تعیناتی کو سیاسی ایشو نہیں بنانا چاہیے ۔ عمران خان پہلا سیاسی لیڈر اور پی ٹی آئی پہلی سیاسی جماعت ہے جو ادارے سے مداخلت چاہتے ہیں ۔

 

خواجہ آصف نے کہا کہ آرمی چیف کی تعیناتی پر نومبر میں مشاورت کا آغاز ہو گا ۔ آرمی چیف کی تعیناتی پر وزارت دفاع ، جی ایچ کیو اور وزیراعظم مشاورت کرتے ہیں ۔

 

وزیردفاع نے کہا کہ نواز شریف جلد واپس آئیں گے ، اگر نواز شریف نے کل آنا ہے تو میں چاہوں گا آج آجائیں ۔

 

 

 

تبصرے بند ہیں.