الیکشن کمیشن فارن فنڈنگ کیس کا فیصلہ جلد سنائے: مریم نواز

لاہور: پاکستان مسلم لیگ ن کی نائب صدر مریم نواز نے الیکشن کمیشن سے مطالبہ کیا ہے کہ وہ فارن فنڈنگ کیس کا فیصلہ جلد سنائے ۔

اپنی ٹویٹ میں مریم نواز نے کہا کہ الیکشن کمیشن آف پاکستان پر عمران خان کا اٹیک وہ دھاندلی نہیں ، جو ہوئی ہی نہیں بلکہ فارن فنڈنگ فیصلے کا خوف ہے ۔ انہوں نے مزید کہا کہ عمران خان کو معلوم ہے کہ فارن فنڈنگ کیس میں ناقابلِ تردید شواہد سامنے آ چکے ہیں جن کا منظرِ عام ہر لایا جانا ناگزیر ہے ۔

ن لیگ کی نائب صدر نے کہا کہ تحریک انصاف کو اپنی ہی 20 سیٹوں میں سے 5 ہار جانے پر زیادہ زعم میں آنے کی ضرورت نہیں ہے ۔

اپنی ہی 20 سیٹوں پر 5 ہار جانے پر زیادہ زعم میں آنے کی ضرورت نہیں۔ ECP پر آپ کا اٹیک وہ دھاندلی نہیں جو ہوئی ہی نہیں،بلکہ فارن فنڈنگ فیصلے کا خوف ہے۔آپ کو معلوم ہے کہ اس میں آپ کے خلاف ناقابلِ تردید شواہد سامنے آ چکے ہیں جن کا منظرِ عام ہر لایا جانا ناگزیر ہے۔ ECP جلد فیصلہ سنائے

— Maryam Nawaz Sharif (@MaryamNSharif) July 18, 2022

اس سے قبل میڈیا سے گفتگو کرتے ہوئے عمران خان نے پنجاب کے ضمنی انتخابات میں الیکشن کمیشن پر دھاندلی کا الزام عائد کرتے ہوئے چیف الیکشن کمشنر سے مستعفی ہونے کا مطالبہ کیا تھا ۔

واضح رہے کہ گزشتہ روز پنجاب کے 20 حلقوں میں ہونے والے ضمنی انتخابات میں پاکستان تحریک انصاف (پی ٹی آئی) 15 نشستوں پر کامیابی کے ساتھ سرفہرست ہے جبکہ پاکستان مسلم لیگ (ن) صرف 4 نشستوں پر کامیاب ہو سکی اور ایک حلقے میں آزاد امیدوار نے کامیابی حاصل کی ۔