سابق وزیراعظم عمران خان سے برطانوی ہائی کمشنر کرسچن ٹرنر کی ملاقات

45

اسلام آباد: پاکستان میں برطانوی ہائی کمشنر کرسچن ٹرنر نے پاکستان تحریک انصاف (پی ٹی آئی) کے چیئرمین اور سابق وزیراعظم عمران خان سے ملاقات کی۔ 
تفصیلات کے مطابق ملاقات کے دوران عمران خان نے کہا ہے کہ سرمائے کی غیر قانونی ترسیل ترقی پذیر ممالک کا بڑا مسئلہ ہے، دولت کی اس غیر قانونی ترسیل سے عالمی سطح پر معاشی ناہمواریوں کو فروغ ملتا ہے۔

ان کا کہنا تھا کہ سرمائے کی یہ غیر قانونی ترسیل غریب ممالک کے باشندوں میں ہجرت کے رجحان کو فروغ دیتی ہے اور غریب ممالک سے امیر ممالک کی جانب ہجرت خود ترقی یافتہ ممالک کیلئے بھی بڑے چیلنجز پیدا کرتی ہے۔
انہوں نے مزید کہا کہ عدل و انصاف کا تقاضہ ہے کہ عالمی سطح پر منی لانڈرنگ کے خاتمے کیلئے اقدامات کئے جائیں اور برطانوی حکومت اس معاملے میں کلیدی کردار ادا کرنے کی صلاحیت رکھتی ہے۔

تبصرے بند ہیں.