اسلام آباد : پاکستان پیپلز پارٹی کے سیکرٹری جنرل نیئر حسین بخاری کی اہلیہ انتقال کر گئیں۔ ان کی وفات پر پورے پارٹی میں غم کی لہر دوڑ گئی ہے۔ مرحومہ کی نماز جنازہ آج شام 4 بجے مل پور مری روڈ اسلام آباد میں ادا کی جائے گی۔
چیئرمین سینیٹ یوسف رضا گیلانی نے نیئر بخاری کی اہلیہ کے انتقال پر گہرے افسوس کا اظہار کیا اور مرحومہ کی روح کے لیے دعا کی۔پیپلز پارٹی کی سینیٹر شیری رحمان نے بھی اس مشکل وقت میں نیئر بخاری اور ان کے خاندان کے ساتھ اپنی ہمدردیاں ظاہر کیں، اور کہا کہ اس غم کی گھڑی میں ہم ان کے ساتھ ہیں۔