راولپنڈی :جنوبی وزیرستان کے علاقے مکین میں خوارج نے سیکیورٹی چیک پوسٹ پر حملہ کیا، جس کے دوران پاک فوج کے 16 جوان شہید ہو گئے۔ آئی ایس پی آر کے مطابق، سیکیورٹی فورسز کی بھرپور جوابی کارروائی میں 8 خوارج مارے گئے۔
علاقے میں دہشت گردوں کے خاتمے کے لیے کلیئرنس آپریشن جاری ہے۔ آئی ایس پی آر نے کہا کہ سیکیورٹی فورسز دہشت گردی کا مکمل خاتمہ کرنے کے لیے پرعزم ہیں، اور شہدا کی قربانیاں ہمارے عزم کو مزید تقویت دیتی ہیں۔