بیروت : شام میں پھنسے پاکستانیوں کا انخلاء شروع ہوگیا ہے اور اب تک 350 سے زائد پاکستانی لبنان پہنچ چکے ہیں۔ ان پاکستانیوں کو اب خصوصی پروازوں کے ذریعے واپس لایا جائے گا، جن میں 20 اساتذہ اور طلبا بھی شامل ہیں۔
ذرائع کے مطابق، بیروت ایئرپورٹ سے خصوصی پروازیں 48 گھنٹوں کے اندر روانہ ہو سکتی ہیں تاکہ ان پاکستانیوں کو وطن واپس پہنچایا جا سکے۔ وزیراعظم کی ہدایت پر سول ایوی ایشن نے ان پروازوں کے لیے اجازت دے دی ہے۔
پاکستانی سفارتخانے کے حکام شام اور لبنان میں پاکستانیوں کی بحفاظت واپسی کے لیے تمام ضروری اقدامات کر رہے ہیں، اور شام میں پھنسے باقی پاکستانیوں کے انخلاء کے لیے بھی جلد مزید اقدامات کیے جائیں گے۔